بەخێر بێیت بۆ بابێت پلەس. بە بەکارهێنانی ئەم بەرنامەیە، تۆ ڕەزامەند دەبیت لەسەر ئەم مەرج و ڕێسایانەی خوارەوە:
پێویستە بەکارهێنەر زانیاری ڕاست و دروست (ناو، ژمارەی مۆبایل) بەکاربهێنێت بۆ دروستکردنی هەژمار.
پاراستنی نهێنی وشەی تێپەڕ (Password) لە ئەستۆی بەکارهێنەر خۆیەتی.
ڕاستگۆیی: پێویستە وەسفی کاڵاکە (خواردن، سەیارە، کەلوپەل) ڕێک وەک خۆی بێت و هیچ فێڵێکی تێدا نەبێت.
وێنە: دەبێت وێنەکان ڕاستەقینەی کاڵاکە بن و وێنەی نەشیاو یان دوور لە بەها کۆمەڵایەتییەکان نەبن.
کاڵای قەدەغەکراو: بڵاوکردنەوەی هەر کاڵایەک کە دژی یاسا بێت (وەک چەک، دەرمانی قاچاخ، یان ماددەی مەترسیدار) دەبێتە هۆی سڕینەوەی هەژمارەکە.
بابێت پلەس تەنها ناوەندێکە بۆ بەیەکگەیاندنی کڕیار و فرۆشیار. بەرنامەکە بەرپرسیار نییە لە کوالێتی کاڵاکە دوای ڕادەستکردن، مەگەر لەو خزمەتگوزارییانەی کە ڕاستەوخۆ لەلایەن بەرنامەکەوە گەرەنتی دەکرێن.
لە بەشی خواردن، پێویستە خاوەن چێشتخانەکان پابەندی مەرجە تەندروستییەکان بن.
BABET.PLUS مافی ئەوەی هەیە هەر ڕیکلامێک بسڕێتەوە کە سەرپێچی ڕێساکانی کردبێت.
مافی گۆڕانکاری لە مەرج و ڕێساکان پارێزراوە و لە کاتی هەر گۆڕانکارییەکدا بەکارهێنەر ئاگادار دەکرێتەوە.
ئێمە پابەندین بە پاراستنی زانیارییە کەسییەکانی تۆ و بەکاری ناهێنین بۆ هیچ مەبەستێکی تر دەرەوەی کارئاسانی بازاڕکردن.
